საკუთარი საწარმო „ბიომი ჰოლდინგს“ საშუალებას აძლევს, ჰაერსატარების წარმოების პროცესი უშუალოდ მართოს - ტექნიკური მოთხოვნების დამუშავებიდან მზა პროდუქციის მიწოდებამდე. რაც ამცირებს გარე მომწოდებლებზე დამოკიდებულებას, ზრდის წარმოების ვადების კონტროლის შესაძლებლობას და კომპანიას ეხმარება, დამკვეთს კონკურენტული პირობები შესთავაზოს.
საწარმო თბილისში, ორხევის დასახლებაში მდებარეობს. პროექტის გუნდსა და საწარმოს შორის პირდაპირი კავშირი ტექნიკური საკითხების ოპერატიულად დამუშავებისა და სამუშაო გრაფიკში საჭირო ცვლილებების დროულად ასახვის შესაძლებლობას ქმნის. ეს განსაკუთრებით მნიშვნელოვანია არასტანდარტული დეტალების, ინდივიდუალური კონფიგურაციებისა და მკაცრად განსაზღვრული მიწოდების ვადების მქონე პროექტებისთვის.
ფერი და დამუშავება
საწარმოში ჰაერსატარების დამზადებასთან ერთად შესაძლებელია მათი სასურველ ფერში შეღებვაც. ფერი RAL-ის კატალოგის მიხედვით შეირჩევა, შეღებილი ელემენტები კი შესაბამის თერმულ დამუშავებას სპეციალურ ღუმელში გადის.
ეს შესაძლებლობა განსაკუთრებით აქტუალურია ღია ჭერის მქონე სივრცეებისთვის, სადაც საინჟინრო კომუნიკაციები ინტერიერში ხილული რჩება. ასეთ პროექტებში ჰაერსატარი მხოლოდ ტექნიკური ელემენტი აღარ არის - მისი ფორმა, შესრულების ხარისხი და ფერი საერთო არქიტექტურული კონცეფციის ნაწილი ხდება.
ახალი ხაზის ამოქმედებით „ბიომი ჰოლდინგმა“ გაზარდა ნებისმიერი კონფიგურაციის ჰაერსატარების წარმოების სიმძლავრე, რითიც უფრო მოქნილად უპასუხებს თითოეული პროექტის მოთხოვნებს. გაზრდილი სიმძლავრით კომპანიას შეუძლია, ერთდროულად მოემსახუროს განსხვავებული მასშტაბისა და ტექნიკური მოთხოვნების მქონე პროექტებს.
