What we do with the data sent through the online form, why, and what you get to choose. Published in Georgian.
„პერსონალურ მონაცემთა დაცვის შესახებ“ საქართველოს კანონის შესაბამისად, სს „ბიომი ჰოლდინგი“ (საიდენტიფიკაციო კოდი: 402320993, მისამართი: ქ. თბილისი, აკ. ბელიაშვილის ქ. N 124, შემდგომში - „კომპანია“) წარმოადგენს მონაცემთა დამუშავებაზე პასუხისმგებელ პირს.
წინამდებარე დოკუმენტით თქვენ გაცნობებთ, თუ რა მიზნით და რა მოცულობით ვამუშავებთ იმ მონაცემებს, რომლებსაც კომპანიის ვებგვერდზე განთავსებული ონლაინ ფორმის მეშვეობით გვიგზავნით, და გთხოვთ, შესაბამისი უჯრის მონიშვნით გამოხატოთ თქვენი ნება.
ფორმის შევსება შესაძლებელია როგორც ფიზიკური პირის, ისე იურიდიული პირის სახელით. იურიდიული პირის სახელით ფორმის შევსების შემთხვევაშიც, თქვენ მიერ მითითებული საკონტაქტო პირის სახელი, გვარი, ტელეფონის ნომერი და ელექტრონული ფოსტა წარმოადგენს პერსონალურ მონაცემს და მუშავდება წინამდებარე დოკუმენტით დადგენილი წესით.
კომპანია აერთიანებს გათბობის, გაგრილების, ვენტილაციისა და წყალმომარაგების მიმართულებებს ერთ სრულ, ინტეგრირებულ სისტემად და მომსახურებას ახორციელებს სრული ციკლით: საინჟინრო კონცეფცია, პროექტირება, ტექნოლოგიების შერჩევა, მიწოდება და ლოჯისტიკა, მონტაჟი, გაშვება და გამართვა, სერვისი და ტექნიკური მხარდაჭერა. შესაბამისად, ონლაინ ფორმის მეშვეობით მიღებული ინფორმაცია მუშავდება იმისთვის, რომ დადგინდეს, აღნიშნული ეტაპებიდან რომელი მომსახურებაა თქვენთვის რელევანტური.
გაითვალისწინეთ: წინამდებარე დოკუმენტი ეხება მხოლოდ თქვენი განაცხადის განხილვასა და მომსახურების გაწევასთან დაკავშირებულ მონაცემთა დამუშავებას. სარეკლამო და საინფორმაციო შეტყობინებების მიღება რეგულირდება ცალკე დოკუმენტით - „თანხმობა მარკეტინგული მიზნებისთვის“ - და მასზე თანხმობის გაცემა ან უარი არანაირად არ იმოქმედებს თქვენი განაცხადის განხილვასა და კომპანიის მომსახურებით სარგებლობაზე.
ასევე გაცნობებთ, რომ თქვენთან ხელშეკრულების გაფორმების შემთხვევაში, ფინანსური/საგადასახადო დოკუმენტაციის (ხელშეკრულება, ინვოისი, სასაქონლო ზედნადები, მიღება-ჩაბარების აქტი და სხვ.) კანონმდებლობით დადგენილი წესით გაფორმებისა და ატვირთვის მიზნით, კომპანია საგადასახადო კოდექსით დაკისრებული ვალდებულებების შესასრულებლად, თქვენი დამატებითი თანხმობის გარეშე, დაამუშავებს თქვენს სახელს, გვარს, პირად ნომერს, მისამართსა და ტელეფონის ნომერს.
კომპანია, ონლაინ ფორმის მეშვეობით, თქვენი თანხმობის საფუძველზე დაამუშავებს შემდეგ მონაცემებს:
მიზანი: თქვენი მოთხოვნის მიღება, განხილვა და თქვენი, როგორც განმცხადებლის, იდენტიფიცირება; თქვენთან დაკავშირება ტელეფონით ან/და ელექტრონული ფოსტით; თქვენ მიერ ატვირთული პროექტის, ნახაზების ან ტექნიკური დავალების შესწავლა; ობიექტისა და მოთხოვნის ტექნიკური შეფასება; საჭიროების შემთხვევაში ობიექტზე ვიზიტის ან შეხვედრის დაგეგმვა; ოპტიმალური საინჟინრო გადაწყვეტისა და კომერციული შეთავაზების მომზადება მომსახურების ნებისმიერ ეტაპზე - საინჟინრო კონცეფციიდან და პროექტირებიდან მონტაჟამდე, გაშვება-გამართვამდე და შემდგომ ტექნიკურ მხარდაჭერამდე.
შენიშვნა: აღნიშნულ პუნქტზე თანხმობა წარმოადგენს ფორმის გამოგზავნის აუცილებელ პირობას - მისი გარეშე კომპანიას არ აქვს შესაძლებლობა, მიიღოს და განიხილოს თქვენი მოთხოვნა.
დოკუმენტაციის ატვირთვა ნებაყოფლობითია: თუ არ გსურთ პროექტის ან სხვა ფაილის გაზიარება, ატვირთვის ველი შეგიძლიათ ცარიელი დატოვოთ და თქვენი განაცხადი მაინც განიხილება - ამ შემთხვევაში შეთავაზება მომზადდება მხოლოდ ტექსტურად აღწერილი ინფორმაციის საფუძველზე.
ონლაინ ფორმის მეშვეობით დოკუმენტაციის ატვირთვით თქვენ ადასტურებთ, რომ:
კომპანია ასეთ მონაცემებს დაამუშავებს მხოლოდ თქვენი განაცხადის განხილვისა და შეთავაზების მომზადების მიზნით. თავის მხრივ, კომპანია იღებს ვალდებულებას, თქვენ მიერ გამოგზავნილი პროექტი და ტექნიკური ინფორმაცია განიხილოს კონფიდენციალურად და გამოიყენოს მხოლოდ წინამდებარე დოკუმენტით განსაზღვრული მიზნებისთვის.
თქვენი მონაცემები ხელმისაწვდომია კომპანიის მხოლოდ იმ თანამშრომლებისთვის, რომელთა სამსახურებრივი ფუნქციაც უკავშირდება განაცხადების განხილვასა და მომსახურების გაწევას.
გაცნობებთ, რომ ვებგვერდის ფუნქციონირებისა და ელექტრონული კომუნიკაციის ტექნიკურად უზრუნველყოფის მიზნით, თქვენი მონაცემები მუშავდება კომპანიასთან ხელშეკრულების საფუძველზე მოწვეული ჰოსტინგის, ელექტრონული ფოსტის ან/და მომხმარებელთა ურთიერთობის მართვის სისტემის მომწოდებლის ინფრასტრუქტურის გამოყენებით, ხოლო მარკეტინგული შეტყობინებების დაგზავნის შემთხვევაში - SMS/ელ-ფოსტის დაგზავნის პროვაიდერის მეშვეობით. აღნიშნული პირები მოქმედებენ კომპანიის მკაცრი ინსტრუქციების შესაბამისად და უზრუნველყოფენ მონაცემთა უსაფრთხოებას.
კომპანია არ ყიდის და არ გადასცემს თქვენს მონაცემებს სხვა მესამე პირებს, გარდა კანონმდებლობით გათვალისწინებული შემთხვევებისა (მაგალითად, უფლებამოსილი სახელმწიფო ორგანოს კანონიერი მოთხოვნა).
აღნიშნული ვადების გასვლის შემდეგ მონაცემები წაიშლება, განადგურდება ან ანონიმიზირებული იქნება.
კანონმდებლობის შესაბამისად, თქვენ უფლება გაქვთ ნებისმიერ დროს, განმარტების ან დასაბუთების გარეშე, გამოიხმოთ თქვენ მიერ გაცემული თანხმობა (სრულად ან რომელიმე კონკრეტულ მიზანზე).
ასევე უფლება გაქვთ:
თანხმობის გამოხმობის ან მონაცემთა დამუშავების შეწყვეტის მოთხოვნის შემთხვევაში, კომპანია ვალდებულია შეწყვიტოს მონაცემთა დამუშავება შეტყობინების მიღებიდან არაუგვიანეს 7 სამუშაო დღისა (პირდაპირი მარკეტინგის შემთხვევაში).
თქვენი უფლებების რეალიზაციისთვის ან პერსონალურ მონაცემებთან დაკავშირებული კითხვებით შეგიძლიათ მიმართოთ კომპანიას:
ტელეფონი: (+995) 322 15 11 15
ელ. ფოსტა: info@biomi.ge
ვებგვერდზე ონლაინ ფორმის შევსებისას შესაბამისი უჯრის მონიშვნა და ღილაკზე „გაგზავნა“ დაჭერა ადასტურებს, რომ თქვენ გაეცანით წინამდებარე დოკუმენტს და გამოხატეთ თქვენი ნება მასში მითითებული პირობების შესაბამისად.
თანხმობის გაცემის თარიღი და დრო ავტომატურად ფიქსირდება სისტემაში.
For questions about this document, please get in touch: info@biomi.ge · +995 322 15 11 15